João 2

13 यहुडीराई निस्तार यापर्ब राने नजिकज़ लेव होकाम येसु याडे यरुसलेमडे उपुलुव। 14 येसुये प्रार्ठना डोने ज़ीःमलं मीराई यिःङ, भेडा, परिवा यायेज़्याव सोनो यालंःङज़्याव होसोनो पैसा याटोःज़्याव ओडैरिवरं। 15 होकाम चीःङलो टोबो कोर्रा झैडे येसुये प्रार्ठना डोने ज़ीःमलाम नो स्यान्टैरंलाई, नोराई याभेडारं सोनो याःयिःङःरंलाई समं ओरोवरं, होसोनो पैसा टोनेराई यापैसा घोप्टैड्यारंडे नोराई याटेबल पल्टैडे ओयोवरं। 16 परिवा येनेरंलाई येसुये हैओडोवरं, "आलाम आव स्यान्टै लाङच्यो। ङा ङाबाबुलो उज़ीःमलाई बैपारलो ज़ीःम टाझैच्यो।" 17 येसुलो उसिसराई सास्त्रटा सर्सिव आव रोः याचेटोयो, "नज़ीःमला जोसये ङालाई सचाङनेले।"✝2:१७ भजनरं ६९:९