João 7

पर्बटं येसुलो उसिछ्या

14 पर्ब खार्ल येसु प्रार्ठना डोने ज़ीःमलं उपसिव, होकाम सिछ्या ओयोवरं। 15 यहुडी अगंवारं अचम्ब टाडे ऐयावारो, "कडिज़ मापरिःडे आवये कैजैडे आडङ बिड्या ओपैसिव?"

16 होकाम येसुये नोरंलाई ऐवार्डे जबाफ ओयोवरं, "ङा ङासिछ्या ङामीज़ माङ्क, नोलो ची, जोये ङालाई उपरिःङसोङो। 17 कोइ मीये परमेस्वरलो उइछ्या मानिने युङ याडोवखे भने, ङासिछ्या परमेस्वरङाम सै ङा ङाज़ ङापाङो नो हो मीये सन्नेले। 18 जोये ओल उयुङङाम पाङये, होये ओल ओमहिमा खिमोये, बुरु जोये ओललाई परिःङनेलो ओमहिमा खिमो, हो सत्य मीज़, होसोनो नोसं छल कपट माटाये।