लुका 1

11 होकाम स्यान्टैराई भन्डा घ्योव परमेस्वरलो टोबो स्वर्गटा ओकटंवाल ढुपं सल्कैने ठानकाम वोःरडे च्याङसिडे उलिज़्याव ओरोःनो। 12 जकरियाये होलाई रःङडे छेडे ओआतिव। 13 हैनि पनि स्वर्गटा कटंवालये होलाई हैओडोव, "जकरिया टाछेङंन, कडालेकं नडोव प्रार्ठना परमेस्वरये ठैडेनोयो। आबो नज्या एलीसिबाये नलागिटं टोबो खेपा ज़ा डैने ले, होकाम नङ होलो उमिन युहन्ना नैड्यो। 14 नङ रेङने नले, होसोनो आनन्ड टाने नले, होकाम हो उजर्मिकं बनै भ्या मीरं रेङने लेरं। 15 कडालेकं नो स्यान्टैराई भन्डा घ्योव परमेस्वरलो ओङाःकं घ्योव टाने ले। नोये अङ्गुरलो उरीः सोनो उरुका मड्ड पनि खर्कज़ ओँने माले। होकाम वामालो ओगर्भलाम उजर्मिकज़ चोखो आत्माये ब्यालो टानेले। 16 नोये इस्राएललो ओसन्तानलं भ्यारंलाई स्यान्टैराई भन्डा घ्योव परमेस्वर लेवडे सोवोल्नेरं ले। 17 याबाबुराई यायुङ याज़ाराई लेवडे सोनो आग्या मामानिनेरंलाई सहि मीराई याबुड्डिलं बैनेरं, होसोनो प्रभुलो ओलागिटं सहि मीरं तयार झैडे येसु भन्डा ङाःडे नो एलियालो ओआत्मा सोनो ओसक्तिसं नानेले।"