Lucas 18

फरिसी सोनो सिरमा डुप्नेराई यासात्रो

9 या-यालाईज़ भर डोडे सहि मी झैसिडे उरुरंलाई हेला डानेरं कोइ-कोइरंलाई येसुये ऐटाव सात्रो ओसठोयोरं। 10 "नेबऱ्याङ मीनि प्रार्ठना डोने ज़ीःमलं प्रार्ठना डाने नेनाव, नोनि टोबो फरिसी, होसोनो छुटं सिरमा डुप्नेनि लेवनि।"

11 फरिसीये च्याङसिडे उयुङ-उयुङलं ऐ वार्डे प्रार्ठना ओडोव, "ए परमेस्वर, ङा नङलाई ढन्याबाड ङायान, ङा माचाव मीराई मान्टि डुटाहा, असंतं डाने, ब्यभिचार डाने, होसोनो आका सिरमा डुप्ने स्यानाव पनि ङाम्ले। 12 ङा साताका नेखेप ङाउपासिये। ङा ङाडोयो स्यान्टै बस्तलो डस भा पनि ङायोये।" 13 हैनि पनि सिरमा डुप्ने के टाडाङंज़ च्याङसिडे स्वर्गडे पनि मारःङडे, ए परमेस्वर, ङा पापीलाई डया डाङ वार्डे ओछाती ढिम-ढिम उपिटीव।

14 "ङा जेलाई हैङाडाच्योज़्या, नो सिरमा डुप्ने मी होका फरिसी भन्डा सहि मी टाडे उज़ीःमडे ओनाव। कडालेकं जो मी घ्योव झैसि, हो मी आलिज़ा टानेले, हैनि पनि जो मी आलिज़ा झैसि हो मी घ्योव टानेले।"