लुका 2

ग्वालारं सोनो स्वर्गटा कटंवालरं

8 नो पोला टोबो बाङलं पाखाटंज़ ग्वालारं लेवरं, नोराई रिलं चुङडे याबगालरंलाई यागुज़्यावरं। 9 नोराई याछ्योकं प्रभुलो टोबो स्वर्गटा ओकटंवाल ओरोःनो, होकाम नोराई याछ्योयालं प्रभुलो उउज्यालो ओचम्किव, होकाम नोरं बनै याछेव। 10 होकाम स्वर्गटा कटंवालये नोरंलाई हैओडोवरं, "टाछेच्यो, कडालेकं आव ठैच्यो, ङा जेलाई बनै आनन्डला चाव सोर ङासंठैच्यो, जो स्यान्टै मीराई यालागिटं टानेले। 11 आछिम डाउडलो ओनाङखारलं जेलागिटं टोबो छुट्कारा याने मी जर्मिडेले, होज़ ख्रीस्ट प्रभु ची।