24 युहन्नाये उपरिःङो उसिसरं यावोलो झिन्डे, येसुये युहन्नालो ओबारेलं माहुले मीरंलाई हैओडोवरं "जे कडिज़ मालेव बनलं कडि रःङने जेनाव? सै बतासंये ओहल्लैज़्याव ज़िःङलाई? 25 होकाम जे कडि रःङने जिपुलुव? सै चाव क्वा क्वाइसिव मीलाई रःङने? रःङच्यो, झिलिमिलि क्वा क्वाइसिनेरं, चावसं ज़्यानेरं सोनो चाव पोलं लेने मीरं के राजालो ओडरबारयालं ची लेरंये। 26 होकाम जे कडि रःङने जेनाव? सै अगमबक्तालाई? हो ङा हैङावार, जे अगमबक्ता भन्डा पनि घ्योवलाई जेरोःङो। 27 आव नोज़, जोलो ओबारेलं सर्सिव ले, ‘रःङच्यो, ङा ङाकटंवाललाई नङाः-नङाः ङापरिःङ, नोये नङाःडे नयेम तयार झैनेले।’७:२७ मलाकी ३:१; यसैया ४०:३ 28 ङा जेलाई हैङाडाच्यो, ‘मेमाङाम जर्मिवरंकाम युहन्ना भन्डा घ्योव काङ्काज़ माले, होटानि पनि जो परमेस्वरलो ओराज्यलं आलिज़ा भन्डा आलिज़ाले, हो युहन्ना भन्डा अजं घ्योव टा।’"
29 स्यान्टै मीरं सोनो सिरमा डुप्नेरं आव ठैडे परमेस्वरलो ओसत्यलाई बिस्वास याडोव, कडावार्क नोराई युहन्नालेवङाम बप्तिस्मा रैडेयानैज़्याव। 30 फरिसीरं सोनो न्याम पैने घ्योव मीरं युहन्नालेवङाम बप्तिस्मा यामरोयो कारनये परमेस्वरलो उबिचारलाई या यालागिटं मामानिरंये।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)