Lucas 8

येसुये घुइरंलाई ओठंकंनोयो

22 टछा येसु उसिसरासं डोङ्गाटं यापुलुव, होकाम उसिसरंलाई हैओडोवरं, "बा गे डहं होपंटं गेनाके।" होकाम होरं डोङ्गाटं पुलुडे यानाव। 23 डोङ्गाटं यानाज़्याकं येसु ओङोःलो। डहंलं घुइरं ओराव। डोङ्गा रीःये ओब्यालो, होकाम नोरं आफंटलं यापरिव।

24 होकाम नोरं येसुलो ओछ्योकं राडे ऐ वार्डे यासोचोयो, "गुरबा, गुरबा गे गेबुडिरिखे।"

येसुये सोडे घुइरंलाई ओहक्लोयो, होकाम नो स्यान्टै ठकंनिडे चिम ओटाव। 25 येसुये नोरंलाई हैओडोवरं,

"जे जिबिस्वास कान्डे ओनाव?" नोरं बनै याछेव, होकाम अचम्ब टाडे या-याज़ ऐ यावारो, "आव काङ्का? आवये बतासं सोनो रीःलाई समं अरैज़्याव, नोराई पनि आवलो ओरोः ठैज़्यारं।"

येसुये भुत लागिव मीलाई ओससोमो

26 येसुरं गेरासेनस प्रडेसलं याकेरिव, नो गालील डहंलो ओहोपंटं ले।