Lucas 9

38 नो माहुले मीराई याखार्लामटा टोबो मीये किःडे हैओवारो, "गुरबा, ङा नङसं बिन्ती ङाडो, ङाज़ालाई चावसं रःङड्याङ। कडालेकं ङाज़ा नो टोबोज़ाज़ ची। 39 रःङखेने, टोबो माचाव आत्माये नोलाई क्योःवये, होकाम नो अम्ल्याङसानि किःये, होसोनो नोलाई बारबुर किलोये होकाम नोये ओयाःलाम फेन ख्यावये। होसोनो नोलाई ल-ल टडे बल्ल-बल्ल राःवये। 40 नो माचाव आत्मालाई गुपुलैड्याङरंकं वार्डे नसिसरासं बिन्ती ङाडोव के, नोराई माढुरंये।"

41 होकाम येसुये जबाफ ओयोव, "ए बिस्वास माडोने सोनो झ्याङस्या पुस्ता, ङा खर्का समं जेसं ङालेकेडं, होसोनो ङा जेलाई खा समं ङासहिच्योके ड? नज़ालाई आकं रै।"

42 होकाम नो ओराज़्याकंज़ माचाव आत्माये नोलाई ल-ल ओटंव, होसोनो किल्ने ओपानो। होकाम येसुये नो माचाव आत्मालाई ओहक्लोयो, होकाम नो बाल्खलाई ससम्डे ओबाबुलाई ओयोव। 43 परमेस्वरलो बनै घ्योव ओयेःन रःङडे नोरं स्यान्टै बक्क याटाव।

येसु फरि उसिने बारेलं ओपाङो

येसुये ओडोव स्यान्टै येःनरं रःङडे स्यान्टैरं बक्क याटाव, होकाम येसुये उसिसरंलाई हैओडोवरं,