1 Ai nga Bulus, waŋ ndi Arik ne zhɔm te Mbǝ yi nǝ na ndum Kristi Yesɔ, bǝn izumɔr Sastanisu.

2 Waŋa ai cɛr yi kɔmɔ bǝn abǝ zǝ Arik nǝ kɔrɔntiya, bǝn abaŋ ndi ne ŋla ba nǝ min kɛ Kristi Yesɔ tɛna zhɔ ba tǝ abɛ yi tsetser, bǝn bɔbɔk aner abaŋ ndi ayi kɔte mɛ ndi azhɔ sak kǝ Ŋgɔŋ Yesɔ, Kristi Ŋgɔŋ amen bǝn amɔr:

3 Tǝ Arik Tetɛɛ amɔr bǝn Ŋgɔŋ Yesɔ Kristi bǝ nǝk zhin ita zhɔk bǝn sik bǝ yi ne atu min.

4 Kɔte mkpaŋ takǝ M nyɛr Arik ne atu amin tǝ ina ki didik maa bǝn zhin nǝ min kǝ Kristi Yesɔ. 5 Tǝ ne min kǝ Kristi izhin ne yi abɛ kiki tetɛk nǝ kɔte gar takɛ nǝ lɛ min bǝn Mgbemgbeb min. 6 Ilɛ me nɛ atu ayi Kristi nǝ nyɛ sɔŋ nǝ miŋ min 7 tǝ ba izhin nǝ yaŋ ta anu adidik, ndi izhin nǝ shur ayi tǝ zǝn ŋub nyɛ Ŋgɔŋ Yesɔ Kristi atei glii arumɔ. 8 Atei gli zhin te zhin bǝ yi mgbamgbaŋ mla nǝ klɛtu, te duŋ kǝr nuŋ abɛ yik iyaŋ lalɛ min ba ne bɛr yi nyɛ Ŋgɔŋ Yesɔ Kristi. 9 Arik, waŋ ndi ne zhɔ zhin ne biŋ atu bǝn Zu maa Yesɔ Kristi Ŋgɔŋ amɔr, ne tanyɛmɛ anenen.

10 Nǝ mgbyamgbyaŋ kǝ Ŋgɔŋ Yesɔ Kristi amɔr M bɛn zhin bɔbɔk, akpa, tǝ izhin bǝ tanyɛmɛ nǝ ki yi bla min, tǝduŋ ba zhin tei ŋar akpa nǝ miŋ min ba. Izhin bǝ klik nǝ binetu, bǝn to ti zhiin bǝn ki tei naa min. 11 Amunzumɔr, anuŋ abɛ kɔb Klɔdiya ne blam tedi izhin vǝ ne akpa min. 12 Iki yiŋ ndi mdi me anuŋ adi, <<Ŋgam yi ayou Bulus>>; inuŋ, <<Ŋgam zǝ Apolɔ>>; inuŋ,<<Ŋgam zǝ Kefas>>; inuŋ anadi, <<Ŋgam zǝ Kristi.>>

13 Kristi me nɛ gab ntǝntǝk! Ka ane yi Bulus wa ane ku nǝ tu kuŋkun kǝ gen nɛ atu amine? Ka ane su zhin ndi abǝ zǝ Bulus na ndum? 14 Mne nyɛr Arik tǝ bam nǝ su nuŋ ne amashir ba mba Krispos bǝn Gayus ankyak ba, 15 ne me inuŋ ba tei di tǝ ne su zhin nǝ sak muŋ ba. 16 (Mta nyɛmɛ, Mne na su aner abɛ kɔb Stifanu; ite kam yiŋɛ, bam nena nzhi nuŋ waŋ ndi mnǝ suu ba.) 17 Kristi ba ne shar me mtǝ su aneshir ba. Ama ne shar mǝ mtǝ mbla lɛ didik kǝ yi yayas, tǝm bla kɛ nɛ yaŋ lɛ kǝ nǝ Mgbemgbeb tu kɛ aneshir, tǝ duŋ be zhi tǝ iku kǝ Kristi nǝ tu kuŋkun kɛ gen ibǝ yaŋ yi ne mgbyamgbyaŋ ba.

18 Tǝ ilɛ kɛ du nɛ atu yi ku kǝ Kristi nǝ kuŋkun kɛ gen iyi ki sha bǝn abaŋ ndi nɛ dur; fe atei taba abaŋ ndi tanǝ yik Ita zhɔk ayi mgbyamgbyaŋ kɛ Arik. 19 Tǝ ne cɛrǝ:

<<M tei nzǝr Mgbemgbeb kɛ ne Mgbemgbeb;

Inǝ yi nǝ tu kɛ yi netu bam tei nduŋu azhɔk susun ba.>>

20 Inǝ Mgbemgbeb aye mɛ? Inǝ cɛr aye mɛ? Inǝ zhi kiki sɔŋ gɔŋmimi abɛ kab kǝŋe aye mɛ? Ndi ka ayi Arik wa nɛ naa bliblik bǝ yi Mgbemgbeb kɛ gɔŋmimi o? 21 Fɛ Arik nǝ mgbemgbeb maa nena tǝ kǝr aneshir abe zhiu nǝ mgbemgbeb kǝ tu ba. Ndi ame, ayi ankɔŋ anǝ zhɔ tǝ <<bliblik>>lɛ kǝ du mɔr, Arik nɛ abaŋ tǝ iwa abe ta abaŋ ndi ne tanyɛmɛ bǝn Yesɔ zhɔk. 22 Yahudawa awɔb te aba bɛ yik kiki vuŋ anu Ihelɛnawa aba awɔb Mgbemgbeb. 23 Tei taba, Kristi waŋ ndi ne kpaŋu, ilɛ keŋ ndi ai la lɛ bǝn Yahudawa tǝna yi kisha bǝn abaŋ ndi ba yi ŋli kǝ Yahudawa ba; 24 fe bǝn abaŋ ndi Arik ne zhɔ ba,Yahudawa bǝn abaŋ ndi ba yi ŋli Yahudawa ba, ilɛ kǝŋɛ ai Kristi, waŋ ndi ayi mgbyamgbyaŋ kɛ Arik ben Mgbemgbeb kɛ Arik. 25 Tǝ bliblik kɛ Arik iyi Mgbemgbeb naŋ Mgbemgbeb kɛ neshir, fe iyaŋ klik yi Arik iklik naŋ klik iyi neshir.

26 Amunya, shuzhi zhin ndi izhin nǝ tsǝn yime tǝ Arik nɛ zhɔzhin. Amɔ nuŋ nǝ miŋ min ane yi Mgbemgbeb ne gar kɛ neshir ba; anuŋ ne miŋ min ba ne zhi ba ba; ba anuŋ ne ŋli ba ne kɔb angɔŋgɔŋ ba. 27 Fena ayi Arik wa ne hria abɛ yi bliblik abɛ gɔŋmimi te bɛ nek abɛ Mgbemgbeb ishisha; Arik nena hria abɛ yaŋ klik te bǝ nek abɛ klik ishisha. 28 Arik ne hria abaŋ ndi ba yi kinuŋ ne gɔŋmimi ba ben abaŋ ndi akyak ba te bǝyi ki yaŋ tɔ shak ayi, 29 te duŋ kǝr nuŋ abɛ ŋur asa ne ti kɛ Arik ba. 30 Iyi atu amaa te duŋ zhin yi ne min kɛ Kristi Yesɔ, bǝn Arik tɛ duŋ Kristi abe yi Mgbemgbeb mɔr. Ne tu maa ne naa ta nyaga bǝn Arik; ta ku yi tsetser aner abe Arik bǝn izuk zhɔk. 31 Fena, ndi ne cɛrǝ: <<Duŋ waŋ ndi aŋur asa abɛ ŋurɛ ne zǝ Yesɔ Ŋgɔŋ.>>