1 Izhin bǝ yik ta ndi agen abɛ Kristi, abaŋ ndi nɛ nǝk ta igli lǝlɛ yi zub yi suyir ye Arik. 2 Neme iki yiŋ ndi awɔbǝ bene abaŋ ndi ne nǝk ba ndum kǝŋe abɛ yi abɛ tsǝn anenen. 3 Mna bwe ndi kǝr ivǝ kinuŋ bǝlu te duŋ zhin tem ŋas ba kɔ abɛ lɔ glim ayir amkpa ane te ŋas; ne te, ba ŋgam te tu muŋ ŋas ba. 4 Susun muŋ yi klikla, neme iyiŋɛ bane mla ndi bam ne zhi kinuŋ ba. Ayi Arik Ŋgɔŋ wa ai yi tem ŋas. 5 Ndi yeme duŋ tǝǝ zhin nuŋ ambuk ndi mkpaŋa banǝ zǝn tǝ ba; kli ŋub mkpaŋ kǝ nyɛ Ŋgɔŋ. Atei gli ilaŋ anye mɛ ne tu kiki yi suyir ne bu te na bu asusun aner ashur. Nǝ kpaŋ yuŋɔ kɔte ŋɔ te ta dǝk maa bǝn Arik. 6 Azizaŋa, amunya, mne ntsar kiki yiŋɛ ne tu muŋ ben Apolɔ te bǝ rɛ zhin, te izhin bǝ baŋ kinuŋ netu amɔr ne bla yiŋ ndi idi,<<Duŋ gar kam ki yiŋ ndi ne cɛrǝ.>> Neme bau lu baŋ ilɛk tu iyi neshir zhiin netu ayi nuŋ ba. 7 Tǝ ai ŋɔwa ne di ubǝ baŋ tu mi kaaŋkaŋ ben inuŋǝ? Aye nii uyime neyi ndi ba Arik wa ne nǝgu neyi kai? Ate yi ndi unǝ tei, tǝ aye nii iyi ŋur asa ami ndi ba unǝ tei ka?

8 Izhin neka men ta kiyiŋ ndi izhin wɔ bǝ! Izhin neka men yi abɛ adudunki! Izhin neka yi atum ne yiŋɛ kɔ ne yaŋa mɔr! Ka abɛdi izhin neka yi atum te duŋ te tai bǝka yi atum bene bɛ zhin! 9 Fe ne yik muŋ aye Arik wa ne zhɔ ta te ta bǝ yi abɛ na ndum maa bǝyi abɛ klɛtu ne kɔte ni ndi abɛ lalɛ tena te ŋas yi abǝ shar amaa. Tane yi keŋkam kɛ iyi ne gɔŋmimi bǝn abɛ shar you Arik bǝn aneshir. 10 Tayi abliblik netu ayi Kristi, fe izhineba yi amgbɛmgbɛb ne miŋ kɛ Kristi! Ikpa mɔr iyi lur, fe izhineba klik! Ayik zhin ashak ayi, ba tɔ ta ashak ayi ba! 11 Ndi ta yime azizaŋa ta zen tsǝn ne kasa ben ihrie amashir, iki yi su ne kpa mɔrɔ ne gbuŋa, ne tsik ta ashur amkpaa, bata na yi ne akɔb ba. 12 Ta na ndum ŋgɔŋ ne aŋɔk amɔr, ate gbar ta Arik, ta nek ba anu adidik; ate nǝk ta iyah, ta vuŋ susun; 13 ate ŋar kɔr tǝ rib ta lɛ, ta zhɔk kɔr tǝ lɛ bǝne ba. kɔ azizaŋa ma tayi abɛ te zɔr yi gɔŋmimi, tena yi ndi asu ayi gɔŋmimi.

14 Bam cɛr mplɛ kǝŋe tǝm nǝk zhin ishisha ba, ama bam gbaŋ zhin atɔŋ, ndi amumune abɛ ŋli amuŋ. 15 Nǝ yemɛ izhin yi nǝ abɛ ŋub zhin aye amkplik awur ne miŋ kɛ Kristi, ba zhin yi ne atetɛ tetɛk ba, tǝ nǝ miŋ kɛ Yesɔ Kristi Me yi tetɛɛ min nǝ glii zhin ilɛ kǝ men maa. 16 M bɛn zhin, fena, tǝ bǝ zǝ nkɔŋ muŋ. 17 Ne me ngam shar zhin Itimɔti, izu muŋ waŋ ndi M nyeru, Iwaŋ ndi itsin maa yi anenen ne nkɔŋ kɛ Arik. Atei duŋ zhin shuzhi itsin keŋ ndi mtsǝn ne miŋ kɛ Kristi Yesɔ, ikǝ yi anenen nǝ ki ndi mtsar kɔte me ne akabaŋkɔŋ awaŋ ndi mtǝ ngara.

18 Anuŋ ne miŋ mine neka yi abɛ ŋyaŋ atɔŋ, ayi ndi bam tei nyɛ bǝn abezhin ba. 19 Ate yi ndi Ŋgɔŋ ate tanyɛmɛ, nǝ yiŋe, M tei nyɛ bǝn abezhin andanda, fena M ka zǝb tǝ wɔnǝ tuu muŋ kai mgbyamgbyaŋ takǝ kiki ndi abǝ yaŋ atɔŋ abaŋa ayimɛ ne kǝ, tǝ bai ki yiŋ ndi ablai ma ankyak ba. 20 Tǝ Ikɔb kɛ Arik bai lɛ kɛ anu bǝn mgbyamgbyaŋ ba. 21 Aye nii yi rɛ zhine? Tǝm nyɛ bǝne bɛ zhin ne sǝsa, ka ne nyɛr ben izhu yi sik kpa ni?