1 Coríntios 9

Mgbyamgbyaŋ kɛ ne na ndum kɛ Arik

1 Bane zuk me azhɔk kai? Bam yi nǝ na ndum Arik kai? Bam ne yik Yesɔ Ŋgɔŋ amɔr kai? Ba zhin yi ndum kɛ aŋɔk amuŋ ne min kɛ Ŋgɔŋ kai? 2 kɔ ate yi ndi bam yi nǝ na ndum kɛ Arik ben anuŋ ba, bai ki tun ru ben abɛ zhin ba! Tǝ ai tsǝn min kǝ biŋ bǝn Ŋgɔŋ izhineba minyi iyi ŋgir kǝ zub tǝm yini na ndum kǝ Arik.

3 Waŋa ai ki iyi tar kli muŋɔ bǝn abaŋ ndi awɔb tǝǝm ambuk. 4 Bam nǝ mla te abe nǝk ta li ben isɔ kai? 5 Bam nǝ mla nǝ zǝ nkɔŋ kǝ abǝ na ndum Arik bǝn amunzumen anǝ Ŋgɔŋ bǝn Biturus,tǝ mbaŋ iwa nǝ zǝǝ Kristi nǝ tsǝn muŋ ka? 6 kɔ kai Ŋgawa bǝn Barnaba ankyak ta bǝ na ndum ne aŋɔk amɔr te shi li te so?

7 Abǝ kpaa kpa ataba ndi a ana ndum tǝ bai nǝk ba idǝk men nɛ amkpa anǝ ndumɔ ka? Abǝ lɔn ataba ashi atiŋe kuŋkun te bai ma idɔ mǝne ka? Abǝ kyu ataba akyu awanta tǝ ba ama amayak amǝne ka? 8 Ka izhin yik mbla lɛ kǝŋe ne yik neshir ini? Ka bai cɛr Musa ne bla amɛ kai? 9 Tǝ ne cɛrǝ ne cɛr yi Musa: <<Kǝr ubǝ duŋ yar nŋa ta aŋkluŋkluk ndi te zen nuk ŋklik ba.>> Ka ayi nŋama wa Arik ashur ayi me ini? 10 Iyi amɛ ne bla ta neyi, ka bane bla amɛ kai? Iyɛmɛ, ne cɛr ta neyi. Iwaŋ ndi ayi nǝ lɔn bǝn iwaŋ ndi aser abɛ na ndum men tɛ shur ayi tǝ atei nǝk ba idǝk men. 11 Ate yi ndi tate tib mbyaŋ Izhu tsetser ne miŋ min, aye nii tei duŋ ba ta tei li kili min ka? 12 Te yi ndi anuŋ ayi ne ankɔŋ anǝ yik ili bǝ ne bɛ zhin, bai taba ne mla bǝ lii kai?

Ne me bata ne li kinuŋ bene bɛ zhin ba, ta ne vuŋ kpa gli te kǝr tabǝ yar lɛ kǝ men ne atu yi Kristi kɔmɔ ne ti ba. 13 Ba zhin ne zhi te abaŋ ndi ana ndum ne akabaŋkɔŋ ali kili men ne akabaŋkɔŋ, abaŋ ndi ana ndum ne amkpa anǝ tsik ibaŋ agab ina kɛ tsik ibaŋ kai? 14 Ina yeme, Ŋgɔŋ ne nǝk lɛ tedi abaŋ ndi adu ilɛ maa atei yik kili men ne amkpa anǝ du lɛ didik maa.

15 Ama bam ne nta kɔ ikinuŋ bǝn nuŋ ba. Fena bam nǝ ncɛr yiŋe tǝm shur ayi tǝ nuŋ abe nǝm kinuŋ ba. Ire tǝm mku inaŋ ndi nuŋ abe laam ŋur asa muŋ ne ndum kɛ Yesɔ. 16 Ndi yeme Mtǝ du lɛ didik, bam tei ŋur asa ba, tǝ nǝ yim nǝ mgbyamgbyaŋ tǝm du lɛ didik kǝŋe. Anu amimin abɛ zǝm ndi bam ntǝ du lɛ didik kǝŋe ba! 17 Te yi ndi M du lɛ kǝŋe nǝ tanyɛmɛ yi susun muŋ, fe mbǝ shur ayi tǝ abɛ nǝm idǝk muŋ; fe M nakǝ ndum muŋ, tǝ Arik nɛ sak mǝ ihru nɛ aŋɔk amuŋ. 18 Tǝ anii iyi dǝk muŋɔ, fe? Ayi mkpaŋ kǝ du lɛ didik kǝ men isha, nǝ yaŋ wɔb idǝk muŋ tǝ ŋun lɛ didik kɛ Kristi ba. 19 Ne me Mǝ yi sha bam yi gen ayou nuŋ ba, Mne kam tǝ ndi igen ayou kɔte ŋɔ, tem vuŋ asusun aneshir tetɛk.

20 Nǝ gar kɛ Yahudawa Mne yi ndi awɔnǝ Yahudawa, tem vuŋ asusun amen. Nǝ gar kɛ abaŋ ndi azǝ cɛr yi Musa Mne yi ndi ne zǝ cɛr yi Musa (Mne zhi bam yi ne angus akɛ cɛr yi Musa ba),Mne na amɛ tem vuŋ asusun abaŋ ndi azǝ cɛr yi Musa. 21 Nǝ gar kɛ abaŋ ndi bai ŋli Yahudawa ba, Mne yi ndi iwaŋ ndi ba zǝ cɛr yi Musa ba (Mne zhi te bam yi isha ne lɛ kɛ Arik ba ama Mǝ yi ne angus akɛ lɛ kɛ Kristi), tem vuŋ kɛ abaŋ ndi ba azǝ cɛr yi Musa ba. 22 Nǝ gar kǝ abǝ yaŋ klik nǝ tanyɛmɛ M ne yaŋ klik ndi izhiin nǝ miŋ mǝne. Fe M kam yi kiki bǝn aneshir bɔbɔk, tem vuŋ asusun abɛ yaŋ klik nǝ kɔte ankɔŋ atawa. 23 Mnǝ na kiki yiŋe bɔbɔk ne tu ayi lɛ didik, tem ka yik anu adidik ne lɛ kǝŋe.

24 Ba zhin ne zhi te ne miŋ kɛ aner abɛ ŋub anɛn nǝ klu, ayi nɛr zhin wa ankyak ata idǝk amaa. 25 Abaŋ ndi ayi ne miŋ kɛ abɛ ŋub anen nǝ klu anǝk akpa men iya. Ana me te aba abɛ ta itu aŋku kɛŋ ndi itei cɔkla; ama taba ta na te tabǝ ta itu aŋku kɛ yaŋ cɔkla. 26 Fena Nga bam klu ndi waŋ ndi bane zhi amkpa waŋ ndi wa aklu agara ba; bam tsik mgbu ndi waŋ ndi ames anken isha ba. 27 Amɛ Mnǝk kpa muŋ iya te bǝ yi gen te duŋ mte du anuŋ lɛ didik, kǝr nga muŋ yi mbǝ lu yaŋ ta aŋɔk amuŋ ba.