2 Coríntios 9

Inǝk ne susun zhin

6 Izhin bǝ shuzhi: Waŋ ndi ate tib watsɔb atei sɛr watsɔb, waŋ ndi te tib ne susun zhin atei sɛr tetɛk. 7 kɔte ŋɔwa abɛ nǝk ir keŋ ndi susun maa nǝ diu abɛ nǝk, ba nǝ mɔ kɔ ndi nɛ sagu nǝk nǝ mgbyamgbyaŋ ba, te Arik a nyɛr abɛ nǝk nǝ nyɛr yi susun zhiin. 8 Fe Arik nɛ mla nǝ nǝk zhin iki didik tetɛk, te izhin bǝ yine ikiki bɔbɔk ne kɔte mkpaŋ takɛ, izhin bǝ na yine iki yiŋ ndi izhin wɔ bǝ, te izhin tei na ikiki didik. 9 Ndi ilɛ kɛ Arik nǝ di, <<Arik anǝk abǝ iya iki tetɛk; ina didik maa ba yine klɛ tu ba.>>

10 Amɛ Arik waŋ ndi anǝk bǝbǝ yi tib tɛ na nǝk ikili ai wa atei nǝk zhin bǝbǝ yi tib tetɛk ai wa atei na sak ŋɔk didik nǝ ndum kɛ ŋɔk amin. 11 Arik atei nek zhin adudunki tetɛk te izhin bǝ nek ne susun zhin kɔte mkpaŋ takɛ, ne atu amɔr ibu aŋɔk min itei duŋ abɛ nyɛr Arik.

12 Ndum keŋ ndi izhin zǝn nakǝ ba yi kɛ nǝk anɛr abǝ zǝ Arik ikili ankyak ba ama iyi kɛ nyɛr Arik tetɛk.