HEB - NUMANA 12

5 Fe izhin ne ŋursuk te ilɛ kɛ nek didik idi izhin ndi amumun:

<<Izu muŋ, duŋ baŋ ilɛ kɛ Ŋgɔŋ ne di bai iki lɔr ba,

Fena duŋ na tun susun ba ndi ate vǝu ba.

6 Tǝ Arik Ŋgɔŋ atsaŋ abaŋ ndi anyɛr ba,

Tena tsik ine lalɛ ndi ne atau ndi izu,>>

7 Vuŋ zhin susun ne miŋ kɛ iyah ndi izhin neyik igligli didik, Arik aglɛ zhin ndi amumun amaa. Tǝ izu tawa ndi tetɛɛ amaa bai tsǝgu kai? 8 Mba ate atsik zhin ba (ndi kɔte ŋɔwa abɛ yime ba), fena izhin ba yi iŋle didik ba, ne ŋlii zhin ne gli ne kɔb. 9 Nǝ naŋ yiŋɛ, bɔbɔk amɔrɔ aneshir tayi ne atetɛ abaŋ ndi atsik ta te tei na nǝk ba ŋgɔŋ men. Bai kana yi ndi tabǝ nek Tetɛɛ atu amɔr ne izhu ben ivli kɛ yaŋ klɛ! 10 Tetɛɛ mɔr atsik ta watsɔb ndi adi ne rɛ; ama Arik atsik ta tǝ bɛ anaa ta azhɔk anenen, te tabǝ gab ne tsetser maa. 11 Ba itsik nuŋ ndi ire ne mkpaŋa, ama ilɛn. Ndi ite gayir, fena, igli ki didik rumɔ iyi itsin didik ben isɔŋ kɛ sik ne atu aye abaŋ ndi ne yik irgli iyiŋɛ.