12 Fena, amunya, ta yi ne ndum kɛ na Arik, ba zhin tei na zǝ iki ndi kpa kǝŋe nyeri ba. 13 Izhin te zǝ men kɛ kpa kǝŋe, izhin tei ku; ama izhin te duŋ Vli kɛ Arik ŋun kiki mimin yi kpa, izhin tei sɔŋ atsitsir. 14 Abaŋ ndi izhu yi Arik Gli ba tsǝne aba ayi amumun abɛ Arik. 15 Tǝ Izhu ndi Arik ne nek zhin aneyi ba yi kam zhin te agɛn ben abɛ te sisik ba; Izhu mɔ nak kam zhin te amumun abɛ Arik, Mgbyamgbyaŋ kɛ Izhu mɔ kɛ duŋ ta te ahwa tedi <<Tetɛɛ! Tetɛɛ amuŋ!>> 16 Izhu yi Arik nyɛ biŋ atu bǝn izhu mɔr te bla tedi ta yi amumun Arik. 17 Azizaŋa ndi ta yi amumun amaa, ta tei gli iki didik ndi ne aŋyak taba aneshir amaa, ta tei nak gli ndɔ bǝn Kristi iki ndi Arik ne anyagu neyi; ate yi ndi ta tei gli nzenzen maa, ta tei nak gli yik iya maa.
Publicidade