Ŋgɔŋ kɛ ti
18 Iya ndi ta yigǝ azizaŋa ba mwe ndi nzenzen keŋ ndi atei tsar ta ne kɛ ba. 19 Tǝ gɔŋmimi mayi ŋub bɛr ndi Arik atei bu amumun amaa atsar ne abɛm. 20 Tǝ gɔŋmimi ne yir miŋ kɛ cɔkla ne atu yi lalɛ, ba ne miŋ kɛ ta nyɛmɛ maa ba, ama ne tanyɛme yi Arik. Ishur ayi ne ti ne yime 21 tedi gɔŋmimi maayi atei zuk kɛ azhɔk are gen kɛ be itei ta izuk zhɔk nzenzen yi amumun abɛ Arik. 22 Ta ne zhi tedi kam nyak azizaŋa bɔbɔk gɔŋmimi me zen te antum ndi izhin nnɛ iwa ne ŋli. 23 Fena ba ayi gɔŋmimi kɛ ankyak zen te antummɔ ba; taba mɔr yi ndi ta yine Vli maa ndi yi nek Arik yi kuti maa zen te antum ne miŋ ne ndi ta zen ŋub te Arik abɛ nek ta ŋgɔŋ mɔr kɛ amumun amaa te ata ta ashur bɔbɔk. 24 Ne nek ta ishur ayi ne ti yiŋɛ ne bɛr ndi ne zuk ta ashur. Ama ishur ayi ne ti ndi ayige bai shur ayi ne ti ba. Ayi ŋɔwa asak ayi ne ki yiŋ ndi ayige? 25 Ate yi ndi ta shur ayi ne ki yiŋ ndi ba ta nlu zen yigǝ ba, ta shur kpa zee te ŋubǝ. 26 Ayi amɛ wa Izhu ayou Arik nyɛ lɔk kpa mɔr kɛ ruruk kǝŋe. Ba ta zhi nkan ndi ta tei ben Arik neyi ba, ama ayi Izhu ayou Arik te vu ben mɔrɔ ne antum ayiŋ ndi ba aru arɛ lilɛn ba. 27 Arik wa ndi asu ayi ayik miŋ asusun amɔr, ayi wa ne zhi ki ndi yine miŋ susun kɛ Vli ma; te Vli me kɛ alɛ ben Arik netu ayi aneshir amaa anenen ndi Arik ne atsar atɔ mɔ.