28 Ta ne zhi tedi Arik aduŋ kɔte ki tayi bǝ kam ŋɔk nyak na ndum didik ne atu abɛ nye ru, abaŋ ndi ne zhɔ ba anenen ne iki ndi wa Arik ne di. 29 Arik ne mǝne zhi aneshir amaa ire asese, ayi wa ne amen hria ba te aŋla ba akam ate ndi Izu maa, te duŋ Izu maa wa abɛ yi Vǝn mla yi abɛ yaŋ yime bene abɔu. 30 Abaŋ ndi Arik ne hria ba, ane azho ba; abaŋ ndi ane azho ba, ane Gli ba anyaŋ ne kpa ma, fe te nek ba ŋgɔŋ maa.
Nyɛr yi Arik ne miŋ kɛ Kristi Yesɔ
31 Ta tei di anii ne kiki yiŋɛi? Arik atei ben abɛta, ayi ŋɔwa atei flak aŋin azik tamai? 32 Arik wa ndi bane aku Izu maa ayir tama ba, te akamu anǝk ta bɔbɔk! Ba atei nak ana nek ta kɔte anii kai? 33 Ayi ŋɔwa atei wɔb akla bǝn abaŋ ndi Arik ne ahria bai? Arik ne gli ba aŋyak ne kpa maa! 34 Ayi ŋɔwa atei zǝr ba atyak ahrie? Nuŋ ba yime ba, te Kristi Yesɔ ne ku netu amɔr, te ana lu ne bɛ netu amɔr, te akɔsɔŋ ne ŋɔk li kɛ Arik te azǝn ben ne tu amɔr! 35 Ayi ŋɔwa, atei yar ta adɛme ne miŋ kɛ nyɛr Kristi? Ayi wɔb alɛ, kai iyik iyah, kai kyak iyi kai ijɔŋ kai mgbawun kai ki yi wɔb ŋun kɔ kai iku iyi? 36 Ndi lɛ Arik nen di;
<<Ne atu mi ta yik iyah ndi ta tei ku kɔte mkpaŋ takɛ;
Ta yi ndi awanta abaŋ ndi agar yak ba.>>
37 Kɔ ne min kɛ amɛ tane ka li rab kǝŋe te shaan ne atu ayi Kristi waŋ ndi anyɛr ta. 38 Mne nta nyɛmɛ mgbamgbaŋ te ndi iki yi yar ta dɛmɛ ne nyɛr yi Kristi ba yime ba. kɔ iku kɔ sɔŋ tsetser, kɔ abɛ shar ayou Arik kɔ anerim, kɔ iki ye azizaŋa kɔ iyi nyɛ ne ti, 39 kɔ iki yi rɛ shu kɔ iyi gɔŋmimi iki yi yar ta deme ne nyɛr Yesɔ ba dik yime ne bɔbɔk gɔŋmimi kǝŋe ba iyiŋ ndi iyi mɔr ne miŋ kɛ Kristi Yesɔ Arik amɔr Ŋgɔŋ