Marcos 3:13-19

Hinirang ni Hesus ang Labindalawang Apostol

13 Pagkatapos, umakyat sina Hesus sa bundok at dooʼy tinawag niya ang mga taong gusto niyang piliin, at silaʼy lumapit sa kanya. 14 Humirang siya ng labindalawa [na tinawag niyang mga apostol]*3:14 na tinawag niyang mga apostol: Wala ang mga salitang ito sa ilang manuskrito. upang makasama niya at upang isugong mangaral. 15 Binigyan niya sila ng kapangyarihang magpalayas ng mga demonyo.

16 Ito ang mga labindalawang hinirang niya:

si Simon (na tinawag niyang Pedro),

17 sina Santiago at Juan na mga anak ni Zebedeo (tinawag niya silang Boanerges na ang ibig sabihin ay "mga anak ng kulog"),

18 si Andres,

si Felipe,

si Bartolome,

si Mateo,

si Tomas,

si Santiago na anak ni Alfeo,

si Tadeo,

si Simon na makabayan*3:18 makabayan: Si Simon ay naging kabilang sa grupo ng mga Hudyong lumalaban sa mga taga-Roma.

19 at si Judas Iscariote na siyang nagkanulo kay Hesus kinalaunan.