Ang Talinghaga tungkol sa Ilaw
21 Sinabi pa ni Hesus sa kanila, "Sinisindihan ba ang ilaw para takpan ng takalan o ilagay sa ilalim ng higaan? Hindi baʼt inilalagay ito sa patungan? 22 Ganoon din naman, walang nakatagong hindi malalantad, at walang lihim na hindi mabubunyag. 23 Makinig ang sinumang may pandinig!"
24 "Makinig kayong mabuti sa sinasabi ko," dagdag pa niya. "Dahil kung paano kayo makinig, gayundin ang pang-unawang ibibigay ng Diyos sa inyo,4:24 Sa literal, Ang panukat na ginamit ninyo ay siya ring panukat na gagamitin sa inyo. at dadagdagan pa niya ito. 25 Sapagkat ang taong nakikinig nang mabuti ay bibigyan pa ng pang-unawa. Ngunit ang taong hindi nakikinig, kahit ang kaunti niyang naunawaan ay kukunin pa sa kanya."