AMOS 1

Fastok blong buk ya

1 ✝ 1.1 a: 2 King 15.1-7; 2 Kron 26.1-23; b: 2 King 14.23-29 Profet Amos, hem i man blong lukaot long sipsip, mo ples blong hem long taon ya Tekoa long Juda.* Long taem we King Usia i king long Juda, mo King Jeroboam, we papa blong hem King Jehoas, i king long Isrel,* profet ya i luk wan vison.* Long vison ya, God i givim ol tok long hem blong hem i go talemaot long ol laen* blong Isrel*1.1: Long taem blong Profet Amos, ol laen blong Isrel oli seraot finis long tu haf, we bighaf blong olgeta oli stap long kantri ya Isrel long not, we kaptel blong hem Sameria, mo smolhaf blong olgeta oli stap long kantri ya Juda long saot, we kaptel blong hem Jerusalem. Profet Amos, hem i wan man Juda. Yu save luk tok ya Isrel long Diksonari tu. long not. Hem i luk vison ya fastaem, bigfala etkwek ya we i kasem olgeta long taem blong King Usia, hem i kam biaen, we tu yia i pas finis. Ol tok we i stap long buk ya, hemia nao ol tok we God i talem long hem.