DUTRONOME 4

9 !Be yufala i mas lukaot gud! Yufala i no mas fogetem ol samting ya samtaem, we yufala i luk finis long ae blong yufala. Oltaem long laef blong yufala, bambae yufala i mas tingbaot ol samting ya. Bambae yufala i mas talemaot long ol pikinini blong yufala mo long ol smol bubu blong yufala, 10 stori blong dei ya we ol olfala blong yufala oli kam long hil ya Sinae, nao oli stanap long fes blong Hae God. Hem i God blong yumi, mo long taem ya, hem i talem long mi se, ‘Moses. Yu tekem ol man ya oli kam wanples. Mi wantem blong oli harem olgeta samting ya we bambae mi mi talem long olgeta, blong oli save obei long mi oltaem long laef blong olgeta, mo blong oli save tijim ol pikinini blong olgeta blong oli tinghevi long mi.*4.10: Narafala rod blong tanem tok long las haf blong vas ya i olsem. Mi wantem blong oli harem olgeta samting ya we bambae mi mi talem long olgeta, blong oli save obei long mi oltaem long laef blong olgeta long niufala kantri ya, mo blong oli save tijim ol pikinini blong olgeta blong oli tinghevi long mi.’