5 Hem i mas tekem man sipsip no man nani, we i gat wan yia nomo blong hem, mo i no mas gat wan samting i rong long bodi blong hem. 6 Hed blong haos ya i mas holem anamol ya, go kasem namba fotin dei blong manis ya, nao long dei ya, taem san i godaon, ol hed blong haos oli mas kilim ol anamol ya. 7 Nao long evri haos, hed blong haos i mas tekem sam blad blong anamol ya, i mas ravem long tufala pos blong doa mo long kros blong doa blong haos ya we bambae oli kakae mit ya long hem.