Yesu yiyereka abigishwa biwe
19 Ku mugoroba w’uwo musi, ari wo musi wa mbere w’indwi, abigishwa bari bakoraniye hamwe biyugaranye kuko batinya abakuru b’Abayuda. Maze Yesu araza ahagarara hagati muri bo, arababwira ati: "Amahoro abane namwe!" 20 Ahejeje kuvuga ivyo, abereka ibiganza vyiwe n’urubavu rwiwe. Abigishwa baranezerwa cane babonye Umwami.
21 Yesu yongera kubabwira ati: "Amahoro abane namwe! Nk’uko Data yantumye, ni ko nanje ndabatumye." 22 Ahejeje kuvuga ivyo, abahumekerako, ababwira ati: "Nimwakire Mpwemu Yera. 23 Umuntu wese muzoharira ivyaha, azobiharirwa; kandi uwo mutazobiharira, ntazobiharirwa."
/images/a/WG5FS9VaSWVnVmV3VI8yP)
/images/a/Tcg2NiV7ce24OT6kCIQGR)