5 Ke ntoro emaesịn Pita ke ñkpakọb, ado mbon ufọkabasi emaesịn idem ebọñ akam enọ Abasi ebaña anye.
7 Idaha-idaha ado enyere Abọọñ amaabiọññọ, unwana anyʌñ ayama ke ufọk ñkpakọb. Anye amaatuak Pita ke ñkañ, atọi anye ke idab abo, "Sọp dakka da!" Ndin mme ñkpọnọ emaekọọmọ Pita ke ubọk eduọññọ ke isọñ.
10 Ammọ emaeboiyo akpa ye udiana mbon ukpeme ñkpakọb, ekewuọ inuaatob ukwak, a-asañake akewuọ abio. Inuaatob ukwak ado amaabeere ke idem amọ ikpọọñ anọ ammọ, ndin ammọ emaeboiyo. Ke ammọ emaekesaña afịd anyan efaak keed, idaha-idaha ado enyere Abasi amaakpọñ anye.
12 Ke ami amaakenekke adinwaña Pita, anye amaakaa ufọk Mmeri eka Yọọn, e-ekenyʌññọ ekoot Maak, itie u-uwak awo ekebonoke ebọñ akam. 13 Pita amaakọñ udọk anwa esiin, ndin ayịnufọk awonwaan a-akekereke Roda amaawuọ adi. 14 Ke anye amaakediọọñọ uyio Pita, esịd amaanem anye eti-eti, anye amaatịmme edem afeghe akaa esịd ufọk, tutu afre adikʌkkọ usʌñ anyʌñ abọñ ñkpo ate: "Pita mmọ ke inuausʌñ ada!"
15 Ammọ emaebo anye, "Iwuod mfo ifọnnọ!" Ado anye amaakaa iso abo ke ntoro ke ado, ndin ammọ emaebo ete, "Ana ado enyere amọ ke ado."
16 Ado Pita amaakaa iso akọñ, ndin ke ini ammọ ekekʌkkọke usʌñ ekịt anye, idem amaakpa ammọ.