12 Naña Kalio akedooho ataa ekamba awo ukara ke Akaya, mme Yuu ke Kọrint emaediana esịd keed enam ntịme ye Pọọl enyʌñ eben anye ekaa esob, ete: 13 "Awo ami atemme mme awo naña ekpono Abasi ke mme usʌñ i-imiisañake ke mbed Moses."
14 Kpa ke idaha Pọọl akeyemme aditañ ikọ, Kalio amaabo mme Yuu ate: "Akpedo nte ndufo mme Yuu ekeben ikọ a-abañake ndudue me akpan ubiad mbed edi, akpaawọt ifiọk ami adikpañ utọñ inọọ ndufo. 15 Ado sia abañake mme ikọ ye anyịñ ye mbed ndufo, ibiire ikọ ado ke idem ndufo. Ami ndiidooho akpe ikpe ke utọ mme ñkpọ ado." 16 Anye amaanam ebịne ammọ esio ke ufọk esob. 17 Ndin afịd atu awo emaekanna iso ese Sostenes etubom esob sinakọk enyʌñ emia anye ke iso ekamba akama utom ukara. Ado Kalio ikinamma nte anye anie ndubeghe ndomokeed do.