25 Ndin ataifiọk mbed keed amaadidomo Yisọs idomo, abịp anye ate, "Andikpeeb, nsoo ke ndiinam nọ nnie nsi-nsi uwem?"

26 Yisọs amaabịp anye, "Nsoo ke ewet ke Mbed? Afo akoot die?"

27 Anye amaabọọrọ ate, " ‘Ma Abọọñ Abasi mfo ke afịd esịd mfo ye ke afịd ukpọñ mfo ye ke afịd adudu mfo ye ke afịd akikere mfo’; nyʌñ, ‘Ma mbọhọidʌñ mfo nte idem mfo.’ "

28 Yisọs amaabo anye, "Amebọọrọ nnen-nnen. Nam ntoro ndin ayaadu uwem."

29 Ado sia anye akeyemme iwọt naña imọ inekke ifọn, anye amaabịp Yisọs ate, "Anie ado mbọhọidʌñ mmi?"

30 Yisọs ndin amaatop ñke ami anọ anye: "Ete keed aketo Yeruselem adika Yeriko, ado ke usʌñ, mme amauke emaemʌm anye etịm, ewai anye afọñ, enọññọ anye unan, ndin ekekịt ke anye akpere ñkpa, edakka ekpọñ anye. 31 Aku keed amaadisaña usʌñ ado aboiyo, ado anye akekịt awo ñkpọnnam ado, amaabọọk idem ke mbeñ usʌñ uko afrọ. 32 Ukem ado ñko, awo keed a-aketooho ubon Lifai, amaadiboiyo, akọkkọ anyen ase anye, anyʌñ asaña afrọ ke mbeñ ikọd uko. 33 Awo Sameria, a-akekaaha isañ ke usʌñ ado, amaakedikịt anye, udʌk amọ amaamʌm anye. 34 Anye amaabịne anye, akeyet anye mme unan, anyʌñ atọkkọ adan ye ukọd aduọk ke mme anyen unan ado. Anye amaanyʌñ abọp mme unan awo ñkpọnnam ami, aben anye adot ke dọñki amọ akaa akenịm ke ufọkisen, anyʌñ ase ñkpọ abaña anye. 35 Edem usen, anye amaasio denari*10:35 denarius keed akesido akʌk utom usen debra (se ke Mat 20:2) iba anọ akama ufọkisen ate, ‘Kaa iso se anye anyen, ke mmaanyọñ ndi, ñyaadikpe se adodo a-afo uduubiat.’

36 "Ke atu awo ita ami, anie ke akikere mfo akedo mbọhọidʌñ anọ awo a-mme amauke eketịmme mi?"

37 Ata akpeeb mbed amaabọọrọ ate, "Awo a-aketuaha anye mbọm."

Yisọs amaabo anye, "Nyọñ nyʌñ ke nam ntoro."