1 "Ke ini ado abioubọọñ hefịn adiiba nte ubọikpa duob e-ekebenne utuenikañ ammọ ewuọñọ eka adikikịt ebendọ. 2 Ition ke atu ammọ ekedo ndisịme, ition edoñño mme adiọọñọidem. 3 Akpesʌkado a-mme ndisịme ekekamake mme utuenikañ, ammọ ikikamake adan ikañ. 4 Ado mbon aniọñ emaekama adan ikañ ke iko ye ke utuenikañ ammọ. 5 Ebendọ amaabiat ini adidi, ndin idab amaabọkkọ ammọ.

6 "Ado ke ufọọd akonayio, emaebọñ ñkpọ, ‘Sese ebendọ! Iwuọñọ ikaa ikisoobo ye anye!’

7 "Ndin afịd ubọikpa emaedemme ke idab enyʌñ esịññe inua afọñ utuenikañ ammọ. 8 Ndin mme ndisịme emaebo mme adiọọñọidem, ‘Inọ ñnyịn etək adan ikañ sia utuenikañ ñnyịn eyaeniime.’

9 "Ado ammọ emaebọọrọ, ‘Iyoo, adan ikañ idiikemme ñnyịn ye ndufo. Akpaafọn ndufo eka ebịne mme anyam adan ekedep.’

10 "Ado idaha ammọ ekaiyake adidep adan ikañ, ebendọ amaadiwuọ. Mbon e-ekebeeñeke idem emaedʌk ufọk usọrọ ndọ ye anye, ndin emaekʌk usʌñ.

11 "Akema mme ubọikpa mbon ako emaediwuọ enyʌñ ebo, ‘Abọọñ, Abọọñ, kʌkkọ usʌñ inọ ñnyịn!’

12 "Ado ebendọ amaabọọrọ, ‘Ke akpanikọ ke idọkkọ ndufo, ami idiọọñọke ndufo.’

13 "Ke ntoro, itaba idab ikpeme, sia ndufo idiọọñọke usen me awa.