35 Sia ndufo emaennọ miin ndidia idaha abiọọñ akendọññọ, idaha itọñ akensatta, ndufo emaennọ miin ñkpọ ñnwọñ, emaenyʌñ endaara miin esịn ke atu ndufo ke idaha a-ami ñkedooho asenawo. 36 Idaha a-ami ñkenanake afọñ ndufo emaennọ miin afọñ; idaha a-ami ñkedọñọke, ndufo emaese ñkpọ embaña miin; idaha a-ami ñkesịneke ke ñkpakọb, ndufo emaenyʌñ edinse miin.’

37 "Ndin ndinen awo eyaebọọrọ anye ebo: ‘Abọọñ, idaha akee ke ikukịt nte abiọọñ udọñ ndin ñnyịn unọ ndidia, me itọñ akusat ndin ñnyịn unọ ñkpọ anwọñ? 38 Idaha akee ke afo akedo asenawo ndin ñnyịn udaara fiin, me nte anana afọñ ndin ñnyịn unọ afọñ? 39 Idaha akee ke afo akedọñọ me akesịne ke ñkpakọb ndin ñnyịn iduse fiin?’

40 "Ndin Adidem ayaabọọrọ, ‘Ke akpanikọ ke idọkkọ ndufo, kpa nte ekenamma enọọ keed ke atu nditọeka mmi, ekenam ennọ miin?’