11 "Ado ammọ ikimaaha adikpañ utọñ; ke nsọñiwuod ammọ emaekpa edem enyʌñ esiit utọñ ammọ. 12 Ammọ emaenam esịd ammọ asọñ nte itiadikañ, inyʌññọ iyem ikop mbed me ikọ A-Abọọñ Andikponñkan akenọọhọ ke Sịbidịd ato mme prọfed usen edem. Ke ntoro Abọọñ Andikponñkan amaanekke ayat esịd.
13 " ‘Ke ini ami ñkekoodo, ammọ ikikpañña utọñ; ke ntoro ke ini ammọ ekeñkooto, ami ñkibọọrọke,’ Abọọñ Andikponñkan atañ. 14 ‘Ami ñkesuan ammọ ke ayobio ndọñ ke atu mme idịd, ke itie a-ammọ ekedooho isenawo. Isọñ a-ammọ ekekpọññọ akedo ataa mbiara tutu awo ndomokeed isañake do iboiyo. Naña ammọ ekeda enam eti isọñ abiara ado ado.’ "