4 पुस्ताहरू आउँछन्, र पुस्ताहरू जान्छन्;

तर पृथ्वी सदासर्वदा रहिरहन्छ।

5 सूर्य उदाउँछ, र सूर्य अस्ताउँछ;

अनि जुन ठाउँबाट उदाएको थियो फेरि हतारिँदै आफ्नै ठाउँतिर फर्किजान्छ।

6 बतास दक्षिणतिर बहन्छ,

र फेरि उत्तरतिर फर्कन्छ;

त्यो फन्को मार्दै,

फेरि फन्को मार्दै फर्केर आउँछ।

7 सबै नदीनालाहरू बगेर समुद्रमै जान्छन्,

र पनि समुद्र कहिल्यै भरिँदैन;

जुन स्थानबाट ती नदीनालाहरू आउँछन्,

ती फेरि त्यतैतिर फर्केर जान्छन्।