Luku 14

1,2 Na ɔrale ye kɛ, wɔ Ɛnwomenlelielɛ Kenle ko bie, Gyisɛse hɔle Dwuuma Mɛlalilɛ Eku ne anu mgbanyima ne mɔ ko sua nu hɔkpulale ɔ sa. Na Falasiima ne mɔ ziale mgbumgboonwu kɛ ahɔleɛ la nleanle kɛ saa ɔkɛyɛ nrenyia bie mɔɔ mgbutike ɛpɛ ye la ayile a.

3 Gyisɛse zele Falasiima nee mɛla kɛlɛvoma ne mɔ mɔɔ wɔ ɛkɛ ne la kɛ, "Asoo mɛla maa adenle kɛ bɛyɛ ayile wɔ Ɛnwomenlelielɛ Kenle ne, anzɛɛ ɔnle zɔ ɔ?"

4 Bɛangola ɛhye anloa ye; ɔti Gyisɛse zɔle nrenyia ne mɔɔ ɛnde kpɔkɛ la asa yɛle ye ayile, na ɔmaanle ɔhɔle.