22 Ka kile yɛ kɛkala. Anzɛɛ ɔfa mɛla nu kɛ yɛkɛdua adwule yɛkɛmaa Siza anzɛɛ Wulomu Arane ne ɔ?"
23 Ɔnwunle bɛ adwenle nzuzulɛ ɛtane ne, ɔti ɔzele bɛ kɛ, 24 "Bɛva ezukoa mralɛ ne bie bɛmaa menea. Nwane nvoninli a wɔ zo a? Yɛɛ nwane duma noko a wɔ zo a?"
Bɛbuale ye kɛ, "Siza, Wulomu amɛnlado ne ɛdeɛ ɔ."
25 Akee ɔzele bɛ kɛ, "Saa zɔhane ɛdeɛ a, ɛnee bɛva debie biala mɔɔ le Siza deɛ la bɛmaa Siza, na bɛva debie biala noko mɔɔ le Nana Nyamenle deɛ la bɛmaa Nana Nyamenle!"