57 Mɔɔ bɛlua bɛkɔ la, awie ko hanle hilele Gyisɛse kɛ, "Ɛleka biala mɔɔ ɛbahɔ la mebadoa wɔ."
58 Na Gyisɛse buale ye zele kɛ, "Kakye kɛ, Menlɛ me ti anwo ɛleka bɔbɔ mɔɔ mefa me ti meto a. Nane ɛzonlɛ mɔ lɛ bɛ adunli mɔɔ bɛda nu a, yɛɛ nloma lɛ bɛ sane, na Mame, Sonla Ra ne, menlɛ aako biala fee wɔ azɛlɛ ye azo."
59 Mekɛ guale nu bie la, eza ɔzele nrenyia bie kɛ, "Bɛla badoa me." Na nrenyia ne zele ye kɛ, "Maa menumua mengɔ mengɔnzie egya kolaa."
60 Gyisɛse buale zele kɛ, "Maa sunsum nu mɔwuamra ɛzie bɛ nwo. Na wɔmɔ, kɔ na kɔha Nana Nyamenle Anwuma belemgbunli maanle ne anwo edwɛkɛ kile ewiade amra amuala."
61 Na awie bieko noko ɔdaye ɔhanle kɛ, "Ɛhɛe, Awulae, mebara, na emomu maa menumua menzɛlɛ menli mɔɔ wɔ sua nu la adenle."
62 Gyisɛse zele ye kɛ, "Awie biala mɔɔ kɛmaa ye adwenle kɛvi gyima mɔɔ mehyehyɛ memaa ye la azo la ɛnfɛta kɛ ɔkɛdɛnla Nana Nyamenle belemgbunli maanle ne anu."
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)