2 तेखअ भाल़ी मंऐं पबित्र नगरी एरुशलेम स्वर्गा का परमेशरा सेटा का होथदी, अर सह थिई लाल़ी ज़ेही सज़ाऊई दी, ज़ुंण आपणैं लाल़ै लै हार शंगार किई दी हआ। 3 तेखअ शूणअ मंऐं राज़गाद्दी सेटा का एक ज़ोरै इहअ बोल्दअ, "भाल़, एभा पोर्ही बस्सणअ परमेशर मणछा जैंदरी, अर तेऊ करनअ तिन्‍नां मांझ़ै बसेरअ, अर तिंयां हणैं तेऊए परज़ा अर परमेशरा रहणअ आप्पू ई तिन्‍नां संघै अर सह ई हणअ तिन्‍नों परमेशर।✝

4 "तेऊ टुशणैं तिन्‍नें आछिए आशू, अर तेखअ निं कधि मौत एछणी अर नां शोग अर नां लेरा-पकारा अर नां दाह दुख। पैहलै संसारै ज़ुंण गल्‍ला ती, तिंयां सोभै गल्‍ला हणीं खतम।"✝