प्रकाशन 6

सात मोहरा खोल्हणीं

1 तेखअ भाल़अ मंऐं इहअ कि मिम्मूं खोल्ही तिन्‍नां साता मोहरा मांझ़ै एक मोहर अर तिन्‍नां च़ऊ प्राणीं मांझ़ै शूणअ मंऐं एक प्राणीं बोल्दअ। तेऊओ बोल त गुल़ूबिज़ल़ू ज़िहअ तेऊ बोलअ, "एछ!"

शेतअ घोल़अ

2 तेखअ भाल़अ मंऐं कि एक शेतअ घोल़अ आसा अर तेऊओ शुंआर आसा हाथै धणश लई, अर तेऊ लै दैनअ एक मुगट, अर सह निखल़अ स्वर्गा का ज़ितै दै जोधै ज़िहअ ज़ै-ज़ैकार करदी पृथूई लै कि सह भिई ज़िती एछे।