3 क्रूसा दी दुख ज़िरी ज़ान दैणैं का बाद रहअ ईशू च़ाल़्ही धैल़ै तैणीं शधाणूं संघै बगती-बगती तिन्नां सेटा डेऊंदअ अर तिन्नां लै परमेशरो राज़ एछणें बारै खोज़दअ लागी। तेऊ किई अह गल्ल कई पाक्कै सबूत रहैऊई प्रगट कि सह हुअ मरी करै भिई ज़िऊंदअ।
9 इना गल्ला बोली डेऊअ प्रभू तिन्नां सम्हनै उझै स्वर्गा लै अर बादल़ै च़ोरअ सह तिन्नें आछी का दूर।1:9 भज. 47:5 10 प्रभू डेऊंदी बारी तै तिंयां सोभ लागै दै सरगा बाखा लै भाल़ै, अर दूई स्वर्ग दूत शेतै झिकल़ै बान्हैं दै तिन्नां सेटा लै आऐ अर खल़्हुऐ।
11 तिन्नैं स्वर्ग दूतै बोलअ तिन्नां लै, "हे गलीली मणछो, तम्हैं इधी खल़्हुई करै किल्है आसा लागै दै सरगा बाखा लै भाल़ै? अह ई ईशू ज़ुंण परमेशरै तम्हां सेटा का स्वर्गा लै च़कअ, ज़िहअ करै तम्हैं अह स्वर्गा लै डेऊंदअ भाल़अ, तिहअ ई एछणअ अह बापस फिरी।"1:11 1 थिस. 4:16
करेती गराऊंए यहूदे ज़ैगा मतियाह लै पदबी भेटणीं
12 तिन्नां स्वर्ग दूता डेऊणैं बाद फिरै तिंयां च़ेल्लै जैतून नाओंए धारा का बापस एरुशलेम नगरी लै सह ज़ैगा ती एरुशलेम नगरी नेल़ कोई एक मील दूर ज़ेतरै दूर यहूदी बशैघे धैल़ै डेऊई सका तै।