5 कैद खानै बागै त पतरासा लै पहरअ पाअ द अर विश्वासी टोलीए सोभै भाई-बैहण तै एक मन्न हई कबल्लै परमेशरा का प्राथणां करदै लागै दै।
7 हेरा, तिधी खुडी आअ एक प्रभूओ स्वर्ग दूत अर सह तिधी खल़्हुअ अर तैहा खुडी च़मकअ प्रैश्शअ। तेऊ बाही पतरासे कुछी हाथा करै संघा झ़ैऊअ खल़अ, तेखअ बोलअ इहअ, "उझ़ू, छ़ेक्कअ कर!" पतरासे हाथै बान्हीं दी शांघल़ी पल़ी धरनीं।
10 तेखअ पुजै तिंयां दुजै पहरै निखल़ी लोहे प्रऊल़ी सेटा, ज़ुंण नगरी बाखा खुल्हा ती, सह खुल्ही तिन्नां लै आप्पै अर तिंयां डेऊऐ एकी घाटी बाता बाती आजू अर ज़ांऊं तिंयां तैहा बाता का आजू निखल़ै, स्वर्ग दूत डेऊअ पतरासा छ़ाडी।
12 तेखअ आअ सह इहअ सोठी करै परमेशरै बच़ाऊअ हुंह आझ़, जोहन्ने ईज मरिअमे घअरा लै, ज़हा लै मार्कुस बोला, तिधी थिऐ खास्सै ज़ण्हैं बेठै दै प्राथणां करदै। 13 ज़ांऊं तेऊ दुआर टोक्कदअ लागअ, एक रुदा नाओंए दासी आई शूणीं। 14 पतरासे हाक शूणीं ठुर्ही सह बडी खुशी-खुशी भितरा लै अर खुशीए मारै बिस्सरुई सह दुआरा खोल्हणैं बी अर तैहा खोज़अ सोभी का, "पतरास आसा दुआरै खल़्हुअ द।"
15 तिन्नैं होरी बोलअ तैहा लै, "तूह निं होशा दी आथी।" पर तैहा बोलअ होर बी विश्वासा संघै, "पतरास ई आसा।" पर होरी बोलअ इहअ कि तेऊओ स्वर्ग दूत हणअ।
16 पर पतरास रहअ दुआरा टोक्कदअ लागी, ज़ांऊं तिन्नैं दुआर घुआल़अ, तिंयां हुऐ रहैन।