13 दुजै धैल़ै बेठअ मोसा लोगे फैंसलै करदअ, दोत्ता पोर्ही उडै तैणीं रहै खास्सै मणछ तेऊ फेर झाल़्हुई। 14 मोसो शौहरअ च़ितरु लागअ भाल़अ कि मोसा किज़ै-किज़ै लागा करनअ, तेता भाल़ी बोलअ तेऊ मोसा लै इहअ, "अह किज़ै काम आसा ज़ुंण तूह इना लोगा लै करा? तूह किल्है हआ एक्कै ज़ण्हअ बेठअ द अर इनै लोगै किल्है हआ दोत्ता पोर्ही उडै तैणीं ताह फेर झाल़अ किअ द?"
17 च़ितरु बोलअ मोसा लै इहअ, "अह काम निं एऊ साबै हंदअ आथी, ज़िहअ तूह करा। 18 इहअ करै थकणअ तूह अर ईंयां लोग बी थकणैं। अह काम आसा खास्सअ अर अह निं तेरै एक्कीए भलै हंदअ।
21 लोगे होरी कामां लै छ़ांट तूह इहै मणछ ज़ुंण परमेशरे डरा हेठै रहणैं आल़ै, शुचै-पाक्कै अर मानदार होए अर ज़ुंण तेऊ कामां जोगी होए। तेखअ दै तिन्नां लै दस, पज़ाह अर हज़ार-हज़ार लोगे ज़िम्मैंबारी।
22 "ईंयां रहणैं हर बगत लोगा लै पांच़। ज़ै किज़ै बडअ मकदमअ होए, तेता आणे ईंयां ताह सेटा लै अर बाकी मकदमैंओ फैंसलअ सका ईंयां आप्पै करी। इहअ करै हणअ तेरअ बोझ़ बी हल़कअ किल्हैकि तेखअ करनी इना बी तेरै एऊ कामां लै ताह संघै मज़त।
23 "ज़ै तूह एऊ साबै करे, बिधाता बी च़ाहा एता एऊ ई साबै करनअ। तेखअ नां ताल्है खास्सअ बोझ़ पल़णअ अर ईंयां लोग बी डेऊणैं राज्ज़ी-खुशी आपणैं घअरा लै।"