8 "ऐहा गल्ला डाहै तम्हैं आद कि बशैघे धैल़ी आसा मुंह बिधाता लै पबित्र।20:8 लुआ. 16:23-30; 31:12-14
9 "तम्हां लै आसा होरी कामां करना लै हर हबते छ़ह धैल़ै, 10 पर हर हबते सातुई धैल़ी आसा मुंह थारै परमेशर बिधाता लै बशैघ। ऐहा धैल़ी निं तम्हैं कोह किछ़ै काम करी, नां तम्हैं, नां थारै शोहरू-माठै, नां थारै गलाम, नां थारै डागै धअण अर नां कुंण पाखलअ परदेसी ज़ुंण थारी नगरी रहा।20:10 लुआ. 23:12; 31:15; 34:21; 35:2; लेब. 23:3
11 "छ़हा धैल़ी बणाऐं मंऐं बिधाता सारअ सरग, पृथूई, समुंदर अर तेते सोभै गल्ला अर सातुई धैल़ी किअ मंऐं बशैघ। तैही दैनी मंऐं बशैघे धैल़ी लै बर्गत अर अह धैल़ी आसा मंऐं आप्पू लै पबित्र डाही दी।20:11 मूल. 2:1-3; लुआ. 31:17