बल़ीदान करने बेदी
1 "तेखअ बणाऐं किक्करे काठा करै पांज़-पांज़ हाथ लाम्मी अर बिरली च़कोर अर चअन हाथ उछ़टी बेदी। 2 बेदीए च़ऊ कूणैं लाऐ शींगा ज़ेही खुंढी, तेखअ महल़ै तिन्नां शींगा संघी सारी बेदी कांस्सै करै।
3 "बेदीए तात्तै छ़ारा काढणें भांडै, पल़ैंज़ै, छ़ल़ा, गेठी अर बेदीओ सारअ समान बणाऐं कांस्से।
4,5 "बेदीए आधा-आधी लाऐ फेर-फिरदी कांस्से एक ज़ाल़ीदार झ़ालर, तेता हेठै लाऐ बेदीए दोहरी बाखा च़ऊ कूणैं कांस्से च़ार कल़ोलै। 6,7 तेखअ बणाऐं किक्करे काठे दूई लोहल़ी संघा महल़ै तिन्नां कांस्सै करै तेखअ भरै तिन्नां लोहल़ी बेदी च़कणा लै दोहरी बाखा कल़ोलै दी। 8 बेदी बणाऐं भितरा का बाझ़ी ढक्कणे मणशू ज़ेही च़ऊ बाखा पाल्लै लाई ठीक तेही ई खोखली ज़ेही इधी धारा प्रैंदै मंऐं ताखा रहैऊई।
पबित्र खिम्भा फेरे ताटी
(लुआह 38:9-20)