5 संघा लागै मोसा का इहअ बोल्दै, "ज़ेतरी हाम्हां बिधाते पबित्र खिम्भे कामां लै ज़रुरत थिई, लोगै हेरी तेता का खास्सी भैंट दैई।"
6 तेखअ दैनअ मोसा सोभी लोगा लै इहअ हुकम करी फैल़अ, "ऐबै हुअ बतेर्हअ, पबित्र खिम्भे कामां लै निं ऐबै भैंट आणने ज़रुरत आथी।" तेखअ निं लोगै होर भैंट आणी। 7 किल्हैकि पबित्र खिम्भे सोभी कामां करना लै ज़ेतरी ज़रुरत थिई, कारीगीरा सेटा गअ त तेता का खास्सअ एछी।
पबित्र खिम्भा बणाणेंओ काम
(लुआह 26:1-14)