20 "हुंह निं सिधी इना मेरै च़ेल्‍लै लै ताह सेटा अरज़ करदअ। पर हुंह करा तिन्‍नां लै बी अरज़ ज़ुंण इने गल्‍ला शूणीं मुंह दी विश्वास करे। 21 तिंयां सोभ लोल़ी एक हुऐ। ज़िहअ हुंह ताह दी आसा, तिहै ई लोल़ी तिंयां हाम्हां दी हुऐ, एते तैणीं कि एऊ संसारे मणछ विश्वास करे कि तंऐं आसा हुंह छ़ाडअ द।

22 "सह प्रतप्प ज़ुंण तंऐं मुल्है आसा दैनअ द, सह आसा दैनअ द मंऐं तिन्‍नां लै कि तिंयां लोल़ी तिहै एक हुऐ ज़िहै हाम्हैं एक आसा। 23 हुंह तिन्‍नां दी अर तूह मुंह दी ताकि तिंयां सिध्द हई एक हई सके अर ऐहा गल्‍लो संसारा का थोघ लागे कि तंऐं आसा हुंह छ़ाडअ द। ज़ेही झ़ूरी तंऐं मुल्है किई तेही किई तंऐं तिन्‍नां लै बी।