लूका 1

59 तेखअ हुअ इहअ कि आठुऐ धैल़ै निंयं आपणअ शोहरू तिन्‍नैं खतैर करना लै, तिन्‍नैं लाअ त तेऊओ नाअं तेऊए बाब ज़िहअ जकर्या डाही।✝1:59 मूल. 17:12; लेब. 12:3 60 पर तेऊए ईजै बोलअ इहअ, "एऊ शोहरूओ नाअं डाहंणअ जोहन्‍ना।"

61 तिन्‍नैं होरी बोलअ तैहा लै इहअ तेरै खिंबा दी निं इहअ नाअं कोहिओ आथी? 62 तेखअ पुछ़अ तिन्‍नैं तेऊ शोहरूए बाबा का शारै करै, "किहअ करनअ? कि तूह एऊओ नाअं कै च़ाहा डाहंणअ?" 63 तेखअ मांगी तेऊ तिन्‍नां का लिखणे तगती अर तेथ लिखअ, "एऊओ नाअं आसा जोहन्‍ना।" तिंयां सोभ हुऐ रहैन।