Lucas 8

ढिश-बागर शांत करनअ

22 तेखअ एकी धैल़ी ईशू अर च़ेल्‍लै किश्ती दी बेठै अर ईशू बोलअ तिन्‍नां लै, "च़ाल्‍ला हाम्हां डेऊणअ समुंदरा पार। तेखअ तिन्‍नैं बी किश्ती खोल्ही।" 23 पर ज़ांऊं किश्ती पाणीं दी च़लदी लागी, ईशू सुत्तअ अर समुंदरा दी आअ ढिश-बागर अर किश्ती लागी पाणीं करै भरदी अर तिंयां सोभ च़ाल्‍लै डुबी।

24 तेखअ झ़ैऊअ तिन्‍नैं ईशू खल़अ अर तेऊ लै बोलअ, "हे प्रभू, हे मालक हाम्हैं च़ाल्‍लै खतम हई। तेखअ ईशू झ़ाहल़ काढी नैरी अर ढिश-बागर रुकी, तेखअ जाई करै हुअ चैन।" 25 तेखअ बोलअ ईशू तिन्‍नां लै, "थारअ विश्वास किधी आसा?" पर तिंयां डरै अर तिंयां हुऐ रहैन अर आप्पू मांझ़ै लागै गल्‍ला करदै, "अह कुंण आसा? ज़ुंण ढिश-बागर अर समुंदरे छ़ाल्‍ली लै बी दैआ हुकम अर तिंयां शूणां एऊए हर गल्‍ला?"