Malaquias 3

8 "हुंह पुछ़ा तम्हां का, ‘मणछो परमेशरा लै धोखअ दैणअ कै खरअ आसा? पर तज़ी बी दैआ तम्हैं मुल्है धोखअ!’

"तम्हैं बोला, ‘हाम्हैं किहअ करै दैनअ धोखअ?’

"पर हुंह बोला तम्हां लै, ‘तम्हैं निं मुल्है भैंट अर कमाई का दसुअ निसब दैंदै ज़ुंण तम्हैं दैनअ लोल़ी त! इहअ करै करा तम्हैं मुंह संघै धोखअ।’

10 "आपणीं साल-फसल अर कमाई मांझ़ै आणा दसुअ निसब मेरै भबना लै, ताकि मेरै भबनै खाण-पींण पुगतअ रहे। ज़िहअ हुंह बोला तिहअ करा, तेखअ भाल़ै तम्हैं कि मुंह किज़ै करनअ। इहअ बोला हुंह बिधाता ज़ुंण स्वर्गे सारी सैनो मालक आसा। तम्हां का जाणअ शुझुई कि मुंह तम्हां लै केही खास्सी बर्गत दैणीं! ज़ेतरी च़िज़ा मुंह तम्हां लै दैणीं तेता करै हणैं थारै घअर भरी, मुंह दैणीं तम्हां लै बर्गत सरगा का पाणीं ज़ेही तरैल़ी।