एज्रा शणाऊंअ सारी परज़ा का बिधातो बधान
1 इज़राईली तै आपणीं-आपणीं नगरी, साज़ै शऊजै किअ सोभी एरुशलेम नगरी एक मन्न हई फणैरे प्रऊल़ी आजू च़फै झाल़अ। तिन्नैं बोलअ बधाने गूरू एज्रा शास्त्री लै कि मोसा गूरो बधान ज़ुंण बिधाता इज़राईली लै आसा दैनअ द, तैहा कताबा आण ओर्ही। 2 साज़ै शऊजै आणी एज्रा बधाने कताब तिधा लै ज़िधी सोभ लोग तै कठा हुऐ दै। तिधी तै मर्ध, बेटल़ी, लान्हैं ज़ुंण शूणीं समझ़ी सका तै। 3 तिधी फणैरे प्रऊल़ी आजू च़फै रहअ एज्रा तिन्नां बेटल़ी, मर्ध अर समझ़णैं आल़ै शोहरू-शोहरी सेटा बधाने कताबा का दोत्ता पोर्ही दपहरै तैणीं पहल़दअ लागी अर तिंयां सोभै रहै धैन दैई शूणैं लागी।
8 तिन्नैं समझ़ाऊई तिन्नां का खाखा का बोली अनुबाद करी बिधाते बधाने कताब ताकि लोग तेता राम्बल़ै करै समझ़े।
18 थैरे पैहली धैल़ी पोर्ही खिरी तैणीं रहै हर धैल़ै बधाने कताबा का पहल़दै लागी। तिन्नैं मनाऊंअ साता धैल़ी तैणीं छ़ानींओ थैर। आठुई धैल़ी हुअ एक बडअ झाल़अ ज़िहअ बधाना दी लिखअ द थिअ।