सैणीं गल्‍ला 4

अक्लीओ नफअ

1 लान्हैंओ, ज़िहअ हुंह बोला तिहअ शूणां

धैन दैआ, तै एछणी तम्हां समझ़।

2 मेरी शिक्षा करै हणीं तम्हां उझै

एता डाहै तम्हैं आद।

3 हुंह बी थिई एकी धैल़ै होछ़ी लान्हीं,

आपणैं ईजा-बाबे कल्ही शोहरी।

4 मेरअ बाब दैआ त मुल्है एही शिक्षा,

"ज़िहअ हुंह खोज़ा तेता डाहै आद, बिस्सरुई निं आथी।

तूह करै तिहअ ई ज़िहअ हुंह बोला, तै रहणअ तूह ज़िऊंदअ।

5 अक्ल अर सुंबल़ी सोर डाह!

ज़ुंण हुंह बोला तेता डाहै आद, बिस्सरी निं आथी।

6 नसकलअ निं हई,

अक्ली लै झ़ूर तेता करै हणीं तेरी फाज़त।