6 आरो दल़िदरीओ, इना गल्‍ला शिखल़ा चिटा का,

तिन्‍नों काम-काज़ भाल़ी करा अक्ल,

7 चिटो नां कुंण राज़अ हंदअ

अर नां तिन्‍नां का कामां कराऊंदअ मेट हंदअ!

8 तैबी झाल़ा तिंयां ज़ेठै-शाहल़े गरमीं दी आप्पू लै ज़िणस

ताकि हिंऊंदै तिन्‍नां का खाणां लै होए।

9 दल़िदरीओ, तम्हां केभै तैणीं रहणअ लाम्मै पल़ी?

तम्हां केभै तैणीं रहणअ निंजा सुत्ती?

10 दल़िदरी सोठा इहअ, "थोल़ी घल़ी लऊं होर सुत्ती,

अज़ी लणअ हिक्‍का प्रैंदै हाथ दोछ़ी सुत्ती!

एक सताअ लणअ निंजो होर दैई!"

11 सुत्ती रहणैंओ थोघ लागणअ तेऊ का तेभै

ज़ांऊं गरीबी तेऊ पिछ़ू छ़ूरी पाई च़ोरा ज़ेही पल़णीं।