Tiago 4

घमंडे खलाफ चतैनगी

13 तम्हैं ज़ुंण इहअ बोला कि आझ़ या काल्‍ला काटणी हाम्हां कहा होरी नगरी डेऊई तिधी एक साल होर अर कोई बपार करी खटणै हाम्हां ढब्बै। 14 पर इहअ निं तम्हां का थोघै आथी किई काल्‍ला किज़ै हणअ? शूणीं, लआ, थारी ज़िन्दगी आसा थोल़ी ज़ेही, तम्हैं, भाफा ज़िहै आसा, ज़ुंण थोल़ी घल़ी, शुझिआ अर तेखअ लूका सह बागरी दी।✝4:14 सैणीं. 27:1

15 असली लोल़ी त तम्हैं एता लै इहअ बोलअ, "ज़ै प्रभू च़ाहे तै रहणैं हाम्हैं ज़िऊंदै अर अह काम बी हेरनअ हाम्हां करी।" 16 पर ऐबै करा तम्हैं आपणीं काल्‍ला धैल़ीए बारै सेखी मारी करै घमंड, इहअ घमंड करनअ हआ पाप।

17 तैही ज़ुंण भलाई करनअ ज़ाणा अर तेता नांईं करदअ, तेऊ लै आसा अह पाप।