Dependência

מִֽן ־ הַמֵּצַר קָרָאתִי יָּהּ עָנָנִי בַמֶּרְחָב יָֽהּ ׃

Salmos 118:5

אִם ־ אָמַרְתִּי מָטָה רַגְלִי חַסְדְּךָ יְהוָה יִסְעָדֵֽנִי ׃

Salmos 94:18

מִזְמוֹר לְדָוִד יְהוָה רֹעִי לֹא אֶחְסָֽר ׃

בִּנְאוֹת דֶּשֶׁא יַרְבִּיצֵנִי עַל ־ מֵי מְנֻחוֹת יְנַהֲלֵֽנִי ׃

Salmos 23:1,2

אַל ־ יִתֵּן לַמּוֹט רַגְלֶךָ אַל ־ יָנוּם שֹֽׁמְרֶֽךָ ׃

Salmos 121:3

כִּי אֲנִי יְהוָה אֱלֹהֶיךָ מַחֲזִיק יְמִינֶךָ הָאֹמֵר לְךָ אַל ־ תִּירָא אֲנִי עֲזַרְתִּֽיךָ ׃ ס

Isaías 41:13

בְּטַח אֶל ־ יְהוָה בְּכָל ־ לִבֶּךָ וְאֶל ־ בִּֽינָתְךָ אַל ־ תִּשָּׁעֵֽן ׃

בְּכָל ־ דְּרָכֶיךָ דָעֵהוּ וְהוּא יְיַשֵּׁר אֹֽרְחֹתֶֽיךָ ׃

Provérbios 3:5,6

שִׁוִּיתִי יְהוָה לְנֶגְדִּי תָמִיד כִּי מִֽימִינִי בַּל ־ אֶמּֽוֹט ׃

Salmos 16:8

יְהוָה יִלָּחֵם לָכֶם וְאַתֶּם תַּחֲרִישֽׁוּן ׃ פ

Êxodo 14:14

אַתָּה ׀ יָדְךָ גּוֹיִם הוֹרַשְׁתָּ וַתִּטָּעֵם תָּרַע לְאֻמִּים וַֽתְּשַׁלְּחֵֽם ׃

Salmos 44:3

מִכְתָּם לְדָוִד שָֽׁמְרֵנִי אֵל כִּֽי ־ חָסִיתִי בָֽךְ ׃

Salmos 16:1

וְכִי מִי אֲנִי וּמִי עַמִּי כִּֽי ־ נַעְצֹר כֹּחַ לְהִתְנַדֵּב כָּזֹאת כִּֽי ־ מִמְּךָ הַכֹּל וּמִיָּדְךָ נָתַנּוּ לָֽךְ ׃

1 Crônicas 29:14

רַבּוֹת מַחֲשָׁבוֹת בְּלֶב ־ אִישׁ וַעֲצַת יְהוָה הִיא תָקֽוּם ׃

Provérbios 19:21

לֵב אָדָם יְחַשֵּׁב דַּרְכּוֹ וַֽיהוָה יָכִין צַעֲדֽוֹ ׃

Provérbios 16:9

כָּלָה שְׁאֵרִי וּלְבָבִי צוּר ־ לְבָבִי וְחֶלְקִי אֱלֹהִים לְעוֹלָֽם ׃

Salmos 73:26

בִּרְכַּת יְהוָה הִיא תַעֲשִׁיר וְלֹֽא ־ יוֹסִף עֶצֶב עִמָּֽהּ ׃

Provérbios 10:22

שִׁיר הַֽמַּֽעֲלוֹת לִשְׁלֹמֹה אִם ־ יְהוָה ׀ לֹא ־ יִבְנֶה בַיִת שָׁוְא ׀ עָמְלוּ בוֹנָיו בּוֹ אִם ־ יְהוָה לֹֽא ־ יִשְׁמָר ־ עִיר שָׁוְא ׀ שָׁקַד שׁוֹמֵֽר ׃

Salmos 127:1

וְלֹא ־ נָסוֹג מִמֶּךָּ תְּחַיֵּנוּ וּבְשִׁמְךָ נִקְרָֽא ׃ יְהוָה אֱלֹהִים צְבָאוֹת הֲשִׁיבֵנוּ הָאֵר פָּנֶיךָ וְנִוָּשֵֽׁעָה ׃

Salmos 80:19

נֹתֵן לַיָּעֵף כֹּחַ וּלְאֵין אוֹנִים עָצְמָה יַרְבֶּֽה ׃

Isaías 40:29

שִׁיר לַֽמַּעֲלוֹת אֶשָּׂא עֵינַי אֶל ־ הֶהָרִים מֵאַיִן יָבֹא עֶזְרִֽי ׃

עֶזְרִי מֵעִם יְהוָה עֹשֵׂה שָׁמַיִם וָאָֽרֶץ ׃

Salmos 121:1,2