מִכְתָּם לְדָוִד שָֽׁמְרֵנִי אֵל כִּֽי ־ חָסִיתִי בָֽךְ ׃

¹ לַמְנַצֵּחַ ׀ לְעֶבֶד יְהוָה לְדָוִד אֲשֶׁר דִּבֶּר ׀ לַיהוָה אֶת ־ דִּבְרֵי הַשִּׁירָה הַזֹּאת בְּיוֹם הִֽצִּיל ־ יְהוָה אוֹתוֹ מִכַּף כָּל ־ אֹיְבָיו וּמִיַּד שָׁאֽוּל ׃

² וַיֹּאמַר אֶרְחָמְךָ יְהוָה חִזְקִֽי ׃

³ יְהוָה ׀ סַֽלְעִי וּמְצוּדָתִי וּמְפַלְטִי אֵלִי צוּרִי אֶֽחֱסֶה ־ בּוֹ מָֽגִנִּי וְקֶֽרֶן ־ יִשְׁעִי מִשְׂגַּבִּֽי ׃

לַמְנַצֵּחַ לִבְנֵי ־ קֹרַח עַֽל ־ עֲלָמוֹת שִֽׁיר ׃

צִדְקָֽתְךָ ׀ כְּֽהַרְרֵי ־ אֵל מִשְׁפָּטֶךָ תְּהוֹם רַבָּה אָדָֽם ־ וּבְהֵמָה תוֹשִׁיעַ יְהוָֽה ׃

מָעוֹז לַתֹּם דֶּרֶךְ יְהוָה וּמְחִתָּה לְפֹעֲלֵי אָֽוֶן ׃

בְּיִרְאַת יְהוָה מִבְטַח ־ עֹז וּלְבָנָיו יִהְיֶה מַחְסֶֽה ׃

וַאֲנִי ׀ אָשִׁיר עֻזֶּךָ וַאֲרַנֵּן לַבֹּקֶר חַסְדֶּךָ כִּֽי ־ הָיִיתָ מִשְׂגָּב לִי וּמָנוֹס בְּיוֹם צַר ־ לִֽי ׃ עֻזִּי אֵלֶיךָ אֲזַמֵּרָה כִּֽי ־ אֱלֹהִים מִשְׂגַּבִּי אֱלֹהֵי חַסְדִּֽי ׃

תְּפִלָּה לְמֹשֶׁה אִֽישׁ ־ הָאֱלֹהִים אֲ‍ֽדֹנָי מָעוֹן אַתָּה הָיִיתָ לָּנוּ בְּדֹר וָדֹֽר ׃

בְּטֶרֶם ׀ הָרִים יֻלָּדוּ וַתְּחוֹלֵֽל אֶרֶץ וְתֵבֵל וּֽמֵעוֹלָם עַד ־ עוֹלָם אַתָּה אֵֽל ׃

¹ לַמְנַצֵּחַ מִזְמוֹר לְדָוִֽד ׃

² בְּךָ יְהוָה חָסִיתִי אַל ־ אֵבוֹשָׁה לְעוֹלָם בְּצִדְקָתְךָ פַלְּטֵֽנִי ׃

³ הַטֵּה אֵלַי ׀ אָזְנְךָ מְהֵרָה הַצִּילֵנִי הֱיֵה לִי ׀ לְֽצוּר ־ מָעוֹז לְבֵית מְצוּדוֹת לְהוֹשִׁיעֵֽנִי ׃

⁴ כִּֽי ־ סַלְעִי וּמְצוּדָתִי אָתָּה וּלְמַעַן שִׁמְךָ תַּֽנְחֵנִי וּֽתְנַהֲלֵֽנִי ׃

⁵ תּוֹצִיאֵנִי מֵרֶשֶׁת זוּ טָמְנוּ לִי כִּֽי ־ אַתָּה מָֽעוּזִּֽי ׃

טוֹב לַחֲסוֹת בַּיהוָה מִבְּטֹחַ בָּאָדָֽם ׃

טוֹב לַחֲסוֹת בַּיהוָה מִבְּטֹחַ בִּנְדִיבִֽים ׃

טוֹב יְהוָה לְמָעוֹז בְּיוֹם צָרָה וְיֹדֵעַ חֹסֵי בֽוֹ ׃

כִּֽי ־ הָיִיתָ מָעוֹז לַדָּל מָעוֹז לָאֶבְיוֹן בַּצַּר ־ לוֹ מַחְסֶה מִזֶּרֶם צֵל מֵחֹרֶב כִּי רוּחַ עָרִיצִים כְּזֶרֶם קִֽיר ׃

⁵ אַךְ מִשְּׂאֵתוֹ ׀ יָעֲצוּ לְהַדִּיחַ יִרְצוּ כָזָב בְּפִיו יְבָרֵכוּ וּבְקִרְבָּם יְקַלְלוּ ־ סֶֽלָה ׃

⁶ אַךְ לֵאלֹהִים דּוֹמִּי נַפְשִׁי כִּי ־ מִמֶּנּוּ תִּקְוָתִֽי ׃

⁷ אַךְ ־ הוּא צוּרִי וִֽישׁוּעָתִי מִשְׂגַּבִּי לֹא אֶמּֽוֹט ׃

⁸ עַל ־ אֱלֹהִים יִשְׁעִי וּכְבוֹדִי צוּר ־ עֻזִּי מַחְסִי בֵּֽאלֹהִֽים ׃

וְהוּא יִשְׁפֹּֽט ־ תֵּבֵל בְּצֶדֶק יָדִין לְאֻמִּים בְּמֵישָׁרִֽים ׃

וִיהִי יְהוָה מִשְׂגָּב לַדָּךְ מִשְׂגָּב לְעִתּוֹת בַּצָּרָֽה ׃

הֱיֵה לִי ׀ לְצוּר מָעוֹן לָבוֹא תָּמִיד צִוִּיתָ לְהוֹשִׁיעֵנִי כִּֽי ־ סַלְעִי וּמְצוּדָתִי אָֽתָּה ׃

¹ לְדָוִד ׀ יְהוָה ׀ אוֹרִי וְיִשְׁעִי מִמִּי אִירָא יְהוָה מָֽעוֹז ־ חַיַּי מִמִּי אֶפְחָֽד ׃

² בִּקְרֹב עָלַי ׀ מְרֵעִים לֶאֱכֹל אֶת ־ בְּשָׂרִי צָרַי וְאֹיְבַי לִי הֵמָּה כָשְׁלוּ וְנָפָֽלוּ ׃

³ אִם ־ תַּחֲנֶה עָלַי ׀ מַחֲנֶה לֹֽא ־ יִירָא לִבִּי אִם ־ תָּקוּם עָלַי מִלְחָמָה בְּזֹאת אֲנִי בוֹטֵֽחַ ׃

¹ יֹשֵׁב בְּסֵתֶר עֶלְיוֹן בְּצֵל שַׁדַּי יִתְלוֹנָֽן ׃

² אֹמַר לַֽיהוָה מַחְסִי וּמְצוּדָתִי אֱלֹהַי אֶבְטַח ־ בּֽוֹ ׃

³ כִּי הוּא יַצִּֽילְךָ מִפַּח יָקוּשׁ מִדֶּבֶר הַוּֽוֹת ׃

⁴ בְּאֶבְרָתוֹ ׀ יָסֶךְ לָךְ וְתַֽחַת ־ כְּנָפָיו תֶּחְסֶה צִנָּה וְֽסֹחֵרָה אֲמִתּֽוֹ ׃